馬鞍山戲院係筆者係電影界嘅「飯堂」，因為讀書或者住所嘅關係，係呢個小小嘅戲院睇過無數精彩嘅電影。有時候閒日夜晚去睇某D「非大片」，真係可以話次次都係包場咁滯，覺得爽之外又感到有些少悲涼。
—
而睇戲當然又唔少得偷運d食物同飲品入場啦，但睇完篇文先知道，原來間戲院係比人帶野入去！呢個戲院真係帶比我好多美好嘅回憶，同朋友係呢度一日連睇兩三場戲真係實屬等閒。而筆者亦都好熟悉呢間戲院嘅特色，個mon可能係其他稍大戲院嘅三分之一或者四分之一，冷氣亦都夠凍，所以我每次睇戲都會做足禦寒措施同揀坐頭兩三行。
—
當然，每次買飛都會比個part time姐姐問，呢度係第二行，唔係尾二喎，跟住我就會話「得架喇。」我會心諗，我係呢度睇戲嘅次數，可能多過你番工嘅鐘數（笑）。
—
而特別嘅體驗都好多，例如長期有個院嘅mon有明顯嘅死點；又試過睇睇下戲，格離裝修，個戲院完全隔唔到音！但點解我仲睇？就係因為要撐戲院中嘅小店，有揀片自由嘅老闆，而最重要嘅，就緊係個價錢啦，學生飛45蚊一套戲，唔係早場喎，又有幾多個地方做得到？
Search